Penwythnos Cymodi

Bwriad y gweithdy hwn yw arfogi Cristnogion i fod yn asiantau iacháu a chymod. Yn dilyn ei ddatblygu yn gyntaf yn Rwanda wedi’r hil-laddiad, gan Dr Rhiannon Lloyd, mae nawr yn cael ei redeg gan gredinwyr lleol mewn llawer rhan o’r byd. Mae’n ceisio dwyn iachâd a chyfanrwydd i gymunedau sy’n dioddef chwerwder a rhaniadau ethnig.

Gwahoddir pobl o gefndiroedd ethnig ac eglwysig gwahanol i gyfarfod â Duw a’i gilydd ar lefel y galon. Mewn awyrgylch diogel, fe’i hanogir i brofi iachâd ac fe’i galluogir i ddatblygu persbectif ac agweddau newydd.

Dros dri diwrnod defnyddir cyfuniad o

• ddysgeidiaeth ryngweithiol
• sesiynau grŵp
• amseroedd gweinidogaeth a chydgyfranogi gan y cyfranwyr

Mae pob sesiwn yn adeiladu ar sesiynau blaenorol, felly mae cyfranogiad llawn yn hanfodol.

Yn sgil mynychu’r gweithdy mae miloedd o fywydau wedi eu trawsffurfio, cymunedau wedi eu newid ac eglwysi wedi cymryd camau at fod yn asiantaethau iachâd a chymod. Mae pobol wedi profi iachâd o bob mathau o friwiau, nid yn unig y rhai ethnig,

Yma yng Nghymru, drwy drugaredd nid ydym wedi dioddef dim fel y dioddefodd Rwanda, ond rydym wedi profi rhaniadau ac anghyfiawnder ethnig ar hyd y canrifoedd, sydd wedi gadael eu hôl. Mae calonnau angen eu hiacháu yma hefyd. Byddwn yn archwilio profiadau Cymru Cymraeg, Cymru di-Gymraeg, a mewnfudwyr. Nod y gweithdy yw y bydd pawb yn gadael gan wybod eu bod yn cael eu caru a’u gwerthfawrogi, ac ag awydd i helpu i ddwyn iachâd i’n cenedl.

Bydd y gweithdy yn dechrau am 9.30am Fore Dydd Gwener 19 Mehefin ac yn rhedeg trwyddo tan tua 5pm ar Ddydd Sul 21 Mehefin. Oherwydd natur y gweithdy ni ellir picio mewn i ambell sesiwn neu dim ond dod am ddiwrnod yn unig – rhaid dilyn y gweithdy ar ei hyd.

Ar y Dydd Sul byddwn yn ymuno ag Oedfa fore Dydd Sul Eglwys Caersalem rhwng 10am ac 11.15am. Bydd hwn yn gyfle i nifer o bobl, gobeithio, brofi gwasanaeth Cymraeg lle y darperir cyfieithu ar y pryd er mwyn cynnwys pawb. Un o arweinwyr y gweithdy fydd yn pregethu yn yr oedfa hon.

Os nad ydych chi’n byw yn lleol argymhellir i chi drefnu llety yng Nghaernarfon am dair noson – nos Iau 18 Mehefin tan nos Sadwrn 20 Mehefin – gan fod y gweithdy yn dechrau’n brydlon ar y bore dydd Gwener, 19 Mehefin. Ond os yw’n well gyda chi deithio adref fore dydd Llun yn hytrach nag nos Sul yna mae modd i chi drefnu llety am bedair noson wrth gwrs. Os ydych chi ar gyllideb dynn yna bydd yna nifer cyfyngedig o lefydd i bobl aros gyda aelodau o Gaersalem.

Mae yna nifer o lefydd i bobl aros yng Nghaernarfon ond gan ei fod yn dref boblogaidd i dwristiaid yn yr haf argymhellir eich bod yn trefnu rhywle i aros mor fuan ac y cewch wybod eich bod wedi eich derbyn i ddilyn y gweithdy. Mae rhai o aelodau Caersalem yn gyfarwyddwyr hostel boutique www.lletyarall.org sy’n cael ei redeg fel menter gydweithredol – mae’n rhesymol iawn os ydy pobl yn rhannu ystafelloedd.

Bydd pawb yn gwneud trefniadau brecwast ei hun – ond mi fydd cinio a swper ar y dydd Gwener, Sadwrn a Sul wedi ei drefnu i ni yng Nghaersalem. Bydd cost y gweithdy, fydd yn cynnwys y bwyd, yn cael ei gadarnhau yn nes at yr amser unwaith y byddwn yn gwybod y niferoedd fydd ar y gweithdy. Bydd y costau yn cael eu cadw mor isel a phosib.

Oherwydd natur y gweithdy mae’n bwysig cael balans cywir o bobl o wahanol gefndiroedd ar y gweithdy ac felly gofynir i chi wneud cais am gael dod gan rannu ychydig o’ch cefndir a pam eich bod eisiau dod ar y gweithdy ac yna byddwn ni’n cysylltu yn ôl gyda chi.

Bydd angen cofrestru eich diddordeb i fod yn rhan o’r gweithdy erbyn 20 Ebrill a byddwn wedyn yn gadael i chi wybod naill fordd neu’r llall erbyn 27 Ebrill os oes lle i chi ar y gweithdy y tro hwn.

Cliciwch YMA i lenwi’r Ffurflen Gofrestru Diddordeb

Dim ond os ydych yn cael trafferth llenwi’r ffurflen electronig gallwch ein ebostio ni i gofrestru eich diddordeb gan rannu eich holl fanylion personol (Enw Llawn, Rhyw, Cenedligrwydd, Rhif Ffôn ayb.) a’r rheswm pam eich bod am fynychu’r cwrs: cymodi@caersalem.com

‘Mae hwn wedi codi fy ngobeithion am beth all Duw ei wneud drwom ni. Yn aml rwy’n teimlo mor ddinerth’.

‘Roedd y fframwaith Feiblaidd yn help mawr i mi.’

‘Mae’n help i sylweddoli fod gan pawb boen a does na ddim enillwyr. Mae’n helpu i ddymchwel y muriau’

‘Am y tro cyntaf teimlais yn gwbl rydd i ganu yn y ddwy iaith’.

‘Fyddwn i ddim wedi colli hwn am ddim yn y byd!’

‘Mae’r gweithdy yma wedi fy helpu i wir ddeall yr efengyl am y tro cyntaf.’